الفتق بعد الولادة: نصلّحه دلوقتي ولا نستنى؟ | Hernia After Pregnancy: Repair Now or Wait?
الانفصال العضلي بعد الولادة | Rectus Diastasis After Pregnancy
الفتق الصغير بعد الولادة (Postpartum hernia) غالبًا سببه الانفصال العضلي (Rectus diastasis) مع تكرار الحمل والسمنة. د. محمد حسام زيدان بيشرح إن الانفصال بين عضلتي البطن بيحصل طبيعي في الحمل وبيرجع خلال حوالي سنة ونص، لكن لو حصل حمل تاني قبل كده بيستمر وممكن يعمل فتق. وبينصح إن إصلاح الفتق أو الانفصال العضلي يتعمل بعد سنة ونص على الأقل من آخر ولادة، وإن المريضة ما تخططش لحمل لمدة سنة ونص بعد العملية، لأن الحمل المبكر بيزوّد فرصة رجوع الفتق. | A small hernia after childbirth is often caused by rectus diastasis, the separation of the abdominal muscles, together with repeated pregnancies and excess weight. Dr. Mohamed H. Zidan explains that the muscles normally separate during pregnancy and come back together within about 18 months, but another pregnancy before then keeps them apart and can lead to a hernia. He advises repairing the hernia or diastasis at least 18 months after the last delivery, and avoiding pregnancy for 18 months after surgery, because an early pregnancy raises the risk of recurrence.
أبرز النقاط
النص الكامل
السلام عليكم. الحقيقة إن فيه حالات كتير جدًا بتيجي من السيدات بعد الولادة مباشرةً عندها فتق صغير. إيه سبب الفتق الصغير اللي بعد الولادة؟ سبب الفتق بعد الولادة هو تكرار الولادة مع السمنة مع ضعف في جدار البطن. الضعف ده جه منين؟ الضعف ده جه بسبب انفصال عضلي، وده بيحصل من الولادة المتكررة اللي الفرق ما بينها أقل من سنة ونص. لأن في الطبيعي إنه بيحصل انفصال عضلي ما بين العضلتين اللي في جدار البطن، ولما العضلتين بيحصل ما بينهم انفصال، الطبيعي إنه بيرجع تاني في خلال سنة ونص. لو حصل ولادة أو خلفة قبل السنة ونص، الانفصال ده بيستمر على طول، واستمرار الانفصال ده بيؤدي إلى فتق في جدار البطن. طب إمتى نصلّح الفتق أو الانفصال العضلي اللي بعد الولادة؟ يُفضّل إننا نعمل إصلاح للفتق أو الانفصال العضلي بعد سنة ونص من الولادة، وتكون المريضة ما عندهاش نية للإنجاب لحد سنة ونص بعد العملية. ولو عملنا العملية وحصل حمل قبل السنة ونص، نسبة ارتجاع الفتق بتزيد 60%، وبالتالي يُفضّل إننا نستنى سنة ونص بعد آخر ولادة عشان نعمل العملية.