عملية IPOM+ لإصلاح فتق جدار البطن: إمتى بنستخدمها؟ | IPOM+ Ventral Hernia Repair: When Is It Used?
للفتق من 4 لـ 10 سم | For Hernias of 4 to 10 cm
عملية الـ IPOM+ (Intraperitoneal Onlay Mesh Plus) من أشهر طرق إصلاح فتق جدار البطن بالمنظار. د. محمد حسام زيدان بيحكي إن إصلاح الفتق بالمنظار بدأ سنة 1993 بعملية الـ IPOM، وهي وضع شبكة جوه تجويف البطن، لكن نسبة الرجوع كانت عالية شوية، فاتطوّرت الـ IPOM+ اللي بيتصلّح فيها جدار البطن قبل وضع الشبكة، وده نزّل نسبة الرجوع لحوالي 2.7%. وبيوضح إن الإرشادات الأوروبية بتفضّل للفتق الأقل من 4 سم إن الشبكة تتحط خارج تجويف البطن، عشان كده الـ IPOM+ مناسبة للفتق من 4 لـ 10 سم، والفتق الجراحي، وفتق جدار البطن المعقّد. | IPOM+ (intraperitoneal onlay mesh plus) is one of the best-known laparoscopic repairs for ventral hernias. Dr. Mohamed H. Zidan explains that laparoscopic hernia repair began in 1993 with IPOM, in which a mesh is placed inside the abdominal cavity, but recurrence was relatively high, so surgeons developed IPOM+, which closes the abdominal wall defect before placing the mesh and lowered recurrence to about 2.7%. European guidelines favor placing the mesh outside the abdominal cavity for hernias smaller than 4 cm, because an intra-abdominal mesh exposes the bowel to unnecessary mesh and the tackers used to fix it add pain. IPOM+ is therefore suited to hernias of 4 to 10 cm, incisional hernias and complex abdominal wall hernias.
أبرز النقاط
النص الكامل
المحاوِرة: طيب دكتور، حضرتك كلّمتنا عن خمس طرق للعملية، ممكن تكلّمنا عن الـ IPOM Plus؟
د. زيدان: أوكي، الـ IPOM Plus. قبل ما نبدأ في الـ IPOM Plus، لازم تبقي عارفة إن إصلاح الفتق بالمنظار بدأ في سنة 93، وأول عملية كانت عملية الـ IPOM؛ هي كانت من أول العمليات لإصلاح الفتق بالمنظار. ودي عبارة عن إيه؟ دي عبارة عن إننا بنحط شبكة على جدار البطن من جوه تجويف البطن، علشان نمنع الفتق إنه يطلع لجدار البطن. بس المشكلة مع الـ IPOM إن نسبة الارتجاع كانت عالية شوية، فبدأ الجراحين إنهم يبتكروا عملية الـ IPOM Plus، وده من 20 سنة تقريبًا أو أقل شوية. طيب إيه اللي زوّدناه في الـ IPOM Plus؟ إن إحنا بنصلّح جدار البطن قبل ما نحط الشبكة، وده قلّل نسبة الارتجاع إلى 2.7%. الإرشادات الأوروبية لإصلاح الفتق بتقول يُفضّل لو الفتق أقل من 4 سم إن الشبكة تتحط خارج تجويف البطن، لأن وضع الشبكة داخل البطن لفتحة صغيرة بيعرّض الأمعاء لمساحة شبكة مش ضرورية، وبيزوّد من نسبة الالتصاقات والمشاكل بعد العملية، ونسبة الألم بتزيد في الحالات دي بسبب الـ tackers اللي بنثبّت بيها الشبكة. عشان كده عملية الـ IPOM Plus مناسبة لعيان عنده فتق من 4 لـ 10 سم، أو فتق جراحي، أو فتق جدار بطن معقّد، أو يكون فيه مشكلة في تشريح العضلات خارج تجويف البطن. لكن الأحجام اللي أقل من كده بنستعمل لها أنواع تانية كتير.