تجربة رياضي مع إصلاح الفتق الإربي بالمنظار | Patient Story: An Athlete's Recovery After Laparoscopic TAPP Inguinal Hernia Repair
تجربة أستاذ عمرو | Mr. Amr's Experience
أستاذ عمرو عبد الهادي، بيلعب كورة وبيتمرّن فيتنس، افتكر الوجع في أسفل البطن شد عضلي، لحد ما دكتور الإصابات شك في فتق إربي (Inguinal hernia) والسونار أكّده. بيحكي إنه عرف إن التأخير ممكن يعمل مضاعفات، فدوّر على جراح متخصص في المناظير بيستخدم شبكات موثوقة، واتعمل له إصلاح بالمنظار (TAPP) بالشبكة ثلاثية الأبعاد مع د. محمد حسام زيدان في خلال أسبوع. وبعد العملية ما عندوش أي مضاعفات، وجروح المنظار بعد ما التأمت تكاد ما تتشافش. | Mr. Amr Abdel Hady, who plays football and trains at the gym, thought the pain in his lower abdomen was a muscle strain until a sports-injury doctor suspected an inguinal hernia, confirmed on ultrasound. Learning that delay can lead to complications, he looked for a consultant specializing in laparoscopic surgery who uses reliable mesh, and within a week had laparoscopic TAPP repair with a 3D mesh by Dr. Mohamed H. Zidan. He has had no complications, and the healed laparoscopic scars are barely visible.
أبرز النقاط
النص الكامل
السلام عليكم ورحمة الله وبركاته. أنا عمرو عبد الهادي، كان عندي فتق إربي. بداية موضوع الفتق الإربي ده إني حسّيت بوجع في عضلة البطن السفلية، فطبيعي افتكرت إن عندي شد عضلي، بسبب إني بمارس طبعًا كورة، وبلعب، وبروح أتمرّن فيتنس وكده. فقعدت شهر، والموضوع طوّل معايا، وما بقيتش عارف إيه ده اللي عندي. فرحت لدكتور إصابات ملاعب، قال لي: أنا شاكك يكون عندك فتق إربي، فمحتاجين نعمل سونار. رحت عملت سونار، وطلع بالفعل إن عندي فتق إربي. طبعًا عملت research وعرفت إن ده موضوع urgent أوي، ومهم جدًا إني لازم أعمله بسرعة وما أتأخرش فيه، لإني عرفت إن فيه ناس بتتأخر فيه وبيحصل لها مضاعفات كتير، وطبعًا ده غلط. وأنا بنصح أي حد عنده الموضوع ده إنه لازم لازم فورًا يتوجّه لدكتور جراحة شاطر وكويس، متخصص في المناظير، وبلاش موضوع الجراحة المفتوحة ده خالص، ويكون على الأقل استشاري، ويكون كمان عنده دراية كافية بالشبكات اللي هو بيستخدمها. وطبعًا برضه بنصح الواحد ما يسترخصش في العمليات دي، وإنه يركّب شبكة كويسة ونضيفة. وفيه شركات كتير، زي شركة Bard، دي من الشركات الأمريكية المحترمة. الواحد ما يسترخصش ويركّب شبكة محلية، لإن الشبكة المحلية بتنكمش مع مرور الوقت وبيحصل التصاقات، فدي مش حاجة كويسة. فأنا شايف إن الشبكة تكون مستوردة وأمريكية ومتأكد منها تمام الثقة، هي دي اللي نتعامل بيها. طبعًا أنا دوّرت على كل الحاجات دي، فلقيت دكتور محمد حسام زيدان، من أشهر الدكاترة في موضوع المناظير، ومن أشهر الدكاترة اللي بتجيب شبكات مضمونة، وبيتعامل مع شركات محترمة بتجيب الشبكات دي، بيتعامل مع شركة Bard direct. توجّهت لعيادته، وطمّني وقال لي إنه بسيط خالص. وبصراحة التكلفة برضه كانت بسيطة، مش عالية؛ يعني سألت طبعًا في القاهرة وكده، لقيت الموضوع عالي جدًا، والدكتور محمد بيعملها بتكلفة بسيطة وبيعمل أحسن حاجة. وبالفعل ما فيش أسبوع وعملنا العملية، والحمد لله أنا أحسن كتير، ما فيش أي مضاعفات عندي، وحتى جروح المنظار خفيفة خالص، مش باينة أساسًا، لا تكاد تُرى بالعين بعد ما التأمت، الحمد لله. فأنا بشكر الدكتور محمد حسام زيدان كتير جدًا، وبشكر إخلاصه واجتهاده وشطارته، وبقول له: شكرًا جدًا يا دكتور محمد.