تجربة مريضة: إصلاح الفتق الجراحي في جنب البطن بالشبكة | Patient Story: Flank Incisional Hernia Repair with Mesh
تجربة مريضة من ليبيا | A Patient's Story from Libya
زوج إحدى مريضاتنا من ليبيا بيحكي تجربتهم مع فتق جراحي (Incisional hernia) في الجنب الشمال من البطن، في مكان عملية قديمة من حوالي 10–12 سنة. استشاروا أكتر من دكتور وكل واحد قال كلام مختلف، لحد ما اتنصحوا بد. محمد حسام زيدان، واتأكد التشخيص في الكشف واتعملت العملية. د. زيدان بيشرح إن المنظار تعافيه عادةً أسرع، لكن الفتق اللي في جنب البطن نسبة ارتجاعه أعلى ومحتاج الشبكة تتحط في أكتر من طبقة، فكان الإصلاح المفتوح هو الاختيار الأنسب ليها. الألم بدأ يخف تدريجيًا بعد أول 10 أيام تقريبًا، وبعد حوالي 45–50 يوم هي بخير وبتقول إن العملية كانت أخف من عمليات تانية عملتها قبل كده. | The husband of one of our patients from Libya describes her incisional hernia: a bulge on the left side of her abdomen at the site of an operation done 10–12 years earlier. They saw several doctors and heard different explanations before being referred to Dr. Mohamed H. Zidan, who confirmed the hernia and repaired it. Dr. Zidan explains that laparoscopy usually means a faster recovery, but flank (lateral) hernias carry a higher recurrence risk and need mesh placed in more than one layer, so open repair was the better choice for her. Her pain eased gradually after the first 10 days or so, and 45–50 days later she is doing well and says this operation felt lighter than others she has had.
أبرز النقاط
النص الكامل
أول حاجة، أنا اتشرفت بمعرفتك. والله إنسان محترم جدًا وذوق، وإنسان قبل ما تبقى دكتور.
الله يخليك.
المدام عندي كانت عاملة عملية من حوالي 10 أو 12 سنة، وكانت بتشتكي من بروز في الجنب الشمال، في المكان اللي اتعملت فيه العملية. واحد يقول لك العضلات ضعيفة، وواحد يقول حاجة تانية، فاستشرنا كذا حد، لحد ما حد قال لي روح للدكتور محمد زيدان، أخصائي الجراحة. والراجل ده بصراحة كان زي الهدية، لأنه هو اللي دلّنا عليك. جينا لك وكشفت على المدام، وفعلًا كان عندها فتق في مكان الجراحة، وعملنا العملية على إيدك. وبصراحة نِعم الدكتور ونِعم العلم ونِعم الأخلاق.
الله يخلي حضرتك.
كنت عايز أسأل حضرتك: التعافي بعد العملية كان عامل إزاي؟
التعافي أكيد كان صعب في الأول لأننا عملناها جراحة مفتوحة. من بعد حوالي 10 أيام الألم بدأ يخف تدريجيًا والحركة بقت عادية، وإنها تقوم وتصحى لوحدها كان بعد حوالي 3 أو 4 أسابيع.
زي ما قلت لحضرتك قبل العملية، المنظار أفضل أكيد والتعافي بيكون أسرع بكتير، لكن ساعات بنحتاج نعمل عمليات معينة. بالنسبة للفتق اللي بيجي في جنب البطن، للأسف نسبة الارتجاع بتبقى عالية، فبنحتاج نحط الشبكة في طبقات متعددة. والمنظار كان هيخلينا ندخل في طبقات متعددة، فكان هيطوّل مدة العملية ويخليها أصعب، فاضطرينا نعملها جراحة مفتوحة.
الحمد لله، إحنا بقالنا حوالي 45 لـ 50 يوم. ما شاء الله، أنا كنت عاملة عملية منظار قبل كده، والجراحة اللي حضرتك عملتها كانت أسهل من المنظار اللي أنا عملته، وأخف بكتير من عمليات كتير عملتها. بصراحة الحمد لله.
اتشرفنا بمعرفتك يا دكتور والله.
وأنا أكتر والله.