تجربة مريض: إصلاح الفتق الإربي في الناحيتين بالمنظار‏ | Patient Story: Laparoscopic Bilateral Inguinal Hernia Repair‎

كنت بعاني من فتق إربي من الجنبين، الشمال واليمين. رحت لدكاترة كتير واتشخّصت كذا كذا تشخيص، لغاية ما جيت للدكتور زيدان، شخّصني وقال لي: إنت عندك فتق إربي من الجنبين، يلزمك عملية وتركيب شبكة. عملت التحاليل بتاعتي واستعديت للعملية، ودخلت العملية، والعملية اتعملت على أكمل وجه. يعني أنا مش عايز أقول مدح أو ثناء، لكن هو فوق المدح وفوق الثناء وفوق أي شيء، خُلقيًا وعلميًا، وراجل عارف هو بيعمل إيه، راجل محترف. أنا قعدت في العملية حوالي تلات ساعات ونص، وطلعت من العملية، وكان المفروض إني أحس بألم، ما حسّيتش بألم، وقمت مشيت في نفس ليلة العملية. ما عنديش أي مشكلة في أي شيء، وعملت متابعات معاه، والحمد لله الأمور زي الفل. وأنا عملتها بالمنظار، لا عندي جرح ولا خياطة ولا أي شيء؛ كل الموضوع تلات نقط في بطني، اشتغل منهم، ركّب لي الشبكة، وخلّص لي كل حاجة. وأهم حاجة المتابعة، تابعت معاه، والحمد لله دلوقتي تالت أسبوع ليّا، تمام، ما فيش أي مشكلة في أي حاجة، ورجعت زي ما كنت الأول وأحسن كمان. شكرًا دكتور زيدان، شكرًا لحضرتك، شكرًا لأخلاقك، شكرًا لعلمك، شكرًا لصبرك عليّا، شكرًا لمتابعتك، شكرًا لحسن استقبالك، إنت والطاقم اللي معاك كله، متشكرين جدًا.