تجربة مريض: ناحية بالجراحة المفتوحة وناحية بالمنظار | Patient Story: Open Repair on One Side, Laparoscopic on the Other
مقارنة من نفس المريض | One Patient, Two Techniques
مريض عمل إصلاح فتق إربي في ناحية بالجراحة المفتوحة، وبعد حوالي سنتين ظهر له فتق في الناحية التانية واتصلّح بالمنظار مع د. محمد حسام زيدان، فبيقارن بين التجربتين بنفسه. بعد الجراحة المفتوحة قعد حوالي شهر ونص خايف يحرّك رجله، وصلّى على كرسي 3 شهور، ولسه بيشتكي من ألم في الناحية القديمة. أما بعد المنظار، ما حسّش بألم غير من البلاستر، وصلّى واقف تاني يوم، وروّح من المستشفى ماشي، وما عندوش أي شكوى في الناحية الجديدة. | A patient who had open repair of an inguinal hernia on one side, and about two years later laparoscopic repair of a hernia on the other side by Dr. Mohamed H. Zidan, compares the two from his own experience. After open surgery he spent about six weeks afraid to move his leg, prayed sitting on a chair for three months, and still has pain on that side. After laparoscopy he felt no pain apart from the dressing tape, prayed standing the next day, walked out of the hospital, and has no complaints on the new side.
أبرز النقاط
النص الكامل
د. زيدان: أنا حبيت أتكلم مع حضرتك. إنت جيت لنا وكان عندك فتق إربي في ناحية، واتعمل له إصلاح بالجراحة التقليدية، وعملنا لك الناحية التانية. جالك بعدها بسنة وشوية؟ قد إيه؟
المريض: تقريبًا سنتين إلا شهر كده.
د. زيدان: وعملناها بالمنظار. رأي حضرتك إيه في الفرق بالنسبة للناحية التانية؟
المريض: في الجراحة أنا قعدت حوالي شهر ونص، الناس كانوا فاكريني إن عندي شلل نصفي، لإني كنت ماشي خايف أحرّك رجلي بجد.
د. زيدان: أنا حتى قلت لحضرتك إن أوحش ألم أكيد هيبقى تاني يوم بعد العملية وأول أسبوع.
المريض: ما كانش فيه ألم.
د. زيدان: إيه الإحساس بالألم؟
المريض: ما كانش فيه ألم. أنا كنت متضايق من البلاستر بس. وأنا والله تاني يوم جرّبت نفسي في الصلاة، وبعدين استأذنت حضرتك: أصلّي عادي وأكمّل ولا أعمل إيه؟ حضرتك قلت لي كمّل، فكمّلت الصلاة عادي. إنما في الجراحة أنا قعدت أصلّي فعلًا تلات شهور على كرسي، كنت خايف أصلّي وأنا واقف.
د. زيدان: أوكي. اليوم التالت، يوم ما روّحت من المستشفى، روّحت إزاي؟
المريض: ماشي.
د. زيدان: مشيت قد إيه؟
المريض: حوالي نص كيلو تقريبًا.
د. زيدان: حسّيت بألم مفاجئ؟ حسّيت بعدم راحة؟
المريض: لأ، لأ، خالص خالص.
د. زيدان: أوكي. إحنا بقى لنا سنتين كده من ساعة ما عملت الناحية الأولى بالجراحة، صح كده؟
المريض: آه.
د. زيدان: بتشتكي من أي حاجة في الناحية دي؟
المريض: القديم ولا الجديد؟
د. زيدان: القديم.
المريض: آه، أنا لغاية دلوقتي بقول لك القديمة هي اللي وجعاني، إنما الجديدة ما فيهاش حاجة.
د. زيدان: الحمد لله على السلامة.
المريض: الله يسلّمك، ربنا يبارك فيك، ربنا يخليك.