عملية SCOLA لعلاج الانفصال العضلي والفتق السري من جروح البكيني | SCOLA for Rectus Diastasis and Umbilical Hernia Repair
لمين تناسب SCOLA؟ | Who Is SCOLA For?
عملية الـ SCOLA، أو الإصلاح من جروح البكيني، بتصلّح الفتق السُري والانفصال العضلي (Rectus diastasis) من 3 فتحات صغيرة على خط البكيني، أكبرها حوالي 1.5 سم. د. محمد حسام زيدان بيشرح إنها غالبًا بتناسب الست بعد الولادة اللي ما عندهاش زيادة في الوزن، وعندها فتق صغير وانفصال في العضلات. وبيذكر تحليل لـ 12 دراسة على 480 مريض بيّن إن نسبة رجوع الفتق قريبة من باقي العمليات لنفس حجم الفتق، ونسبة رضا المرضى 93%، بشرط إن كتلة الجسم (BMI) أقل من 28 وحجم الفتق والانفصال مناسب. | SCOLA, repair through bikini-line incisions, treats umbilical hernias and rectus diastasis through three small incisions along the bikini line, the largest about 1.5 cm. Dr. Mohamed H. Zidan explains that it usually suits women after childbirth who are not overweight and have a small hernia with muscle separation. He cites an analysis of 12 studies and 480 patients showing recurrence similar to other techniques for the same hernia size and 93% patient satisfaction, provided the BMI is below 28 and the hernia and diastasis are within the right size range.
أبرز النقاط
النص الكامل
المحاوِرة: طب واللي ما عندوش زيادة في الوزن يا دكتور؟
د. زيدان: اللي ما عندوش زيادة في الوزن، بالذات لو female، بنفضّل لها أنواع عمليات تانية، زي عملية الميلا أو عملية الـ SCOLA. خلّينا دلوقتي نتكلم عن الـ SCOLA. عملية الـ SCOLA أو البكيني سكار هي نفس العملية، وهي عملية بتتعمل من تلات فتحات صغيرة على خط البكيني، أكبر جرح بيبقى طبعًا 1.5 سم، بنقدر منه نصلّح الفتق ونصلّح انفصال العضلات. بس العملية دي دايمًا بنختارها لست بعد الولادة، ما عندهاش زيادة في الوزن، وعندها فتق صغير وانفصال في العضلات. في بحث مجمّع عن 12 دراسة و480 مريض أثبت إن نسبة الارتجاع قريبة من بقية العمليات لنفس حجم الفتق، ولكن نسبة رضا المريض 93%. ولكن الشرط الأساسي لاختيار العملية دي إن الكتلة الجسدية أو الـ BMI يكون أقل من 28، وحجم انفصال العضلات والفتق في النطاق المناسب. وفي الأول وفي الآخر، التقييم هو اللي بيحدد المناسب، وده غير عملية الميلا.