الفتق الصغير: عملية Ventral TAPP مقابل IPOM | Ventral TAPP vs. IPOM: Repairing Small Ventral Hernias
شبكة خارج الغشاء البريتوني | Mesh Outside the Peritoneum
في الفتق الصغير، عملية الـ Ventral TAPP من أسهل وأفضل طرق الإصلاح بالمنظار لمرضى كتير. د. محمد حسام زيدان بيشرح إنها بتشبه الـ IPOM+ في إن المنظار بيدخل تجويف البطن، لكن الجراح بيفتح طبقة الغشاء البريتوني ويحط الشبكة تحتها، فما بيبقاش فيه تلامس بين الشبكة والأمعاء، وده بيقلل الالتصاقات وبيسمح باستخدام شبكة أرخص، مع إصلاح جدار البطن نفسه. وبيذكر تحليل لـ 8 دراسات على فتق أقل من 4 سم: نسبة الرجوع 13.9% مع TAPP مقابل 23.9% مع IPOM+، وبيوضح إنها بتتختار للمريض اللي ما عندوش زيادة في الوزن. | For small ventral hernias, ventral TAPP is one of the simplest and best laparoscopic repairs for many patients. Dr. Mohamed H. Zidan explains that, like IPOM+, the laparoscope enters the abdominal cavity, but the surgeon opens the peritoneal layer and places the mesh beneath it, so the mesh does not touch the bowel. This reduces adhesions and allows a much cheaper mesh, while the abdominal wall itself is also repaired. He cites a pooled analysis of eight studies on hernias under 4 cm: recurrence of 13.9% with ventral TAPP versus 23.9% with IPOM+. He notes that this operation is chosen for patients who are not overweight.
أبرز النقاط
النص الكامل
المحاوِرة: دكتور، لو كان الفتق صغير؟
د. زيدان: طيب، في حالات الفتق الصغير إحنا عندنا كذا طريقة لإصلاح الفتق، منهم الـ TAPP، وده أسهلهم وأفضلهم لمرضى كتير جدًا. عملية الـ TAPP مختلفة وشبيهة شوية بالـ IPOM Plus في نفس الوقت، خلّيني أقول لك إزاي. أول حاجة، إحنا برضه بنحط الشبكة داخل تجويف البطن، بس بنفتح طبقة لوضع شبكة تقليدية تحت الغشاء البريتوني، وده ما بيخلّيش فيه تلامس ما بين الشبكة والأمعاء، فبيقلل الالتصاقات، وبنقدر نستعمل شبكة أرخص بكتير جدًا. تاني حاجة، إحنا بنصلّح جدار البطن، وده برضه بيقلل نسبة الارتجاع. في دراسة مجمّعة على تمن دراسات بتقارن ما بين الـ IPOM Plus والـ TAPP، أثبتت إن نسبة الارتجاع مع عملية الـ Ventral TAPP 13.9% مقارنةً بالـ IPOM Plus اللي نسبة الارتجاع فيه 23.9%، بس الدراسات دي كانت على الفتق الأقل من 4 سم. وده بيقول لنا إن اختيار نوع الشبكة ونوع العملية المناسب حسب حجم الفتق هو أفضل طريقة لاختيار العملية. بس خلّي بالك، العملية دي بنختارها للعيان اللي ما عندوش زيادة في الوزن.