إمتى أعمل عملية الفتق؟ ليه الإصلاح بدري أفضل وتوقيتها بعد الولادة | When Should You Repair a Hernia? Why Early Repair Is Better, and Timing After Pregnancy
بودكاست - الحلقة الثانية | Podcast: Episode 2
في الحلقة الثانية من بودكاست «مع د. محمد حسام زيدان»، د. محمد بيرد على جملة بنسمعها كتير في العيادة: «الفتق كده كده هيرجع، فخليني أستنى». بمثال الستارة بيوضح إن الخرم الصغير اللي بيتخيط بدري فرصة رجوعه أقل بكتير من خرم سيبناه يكبر، والفتق نفس الفكرة: كل ما اتصلح وهو صغير، بالشبكة المناسبة في الطبقة الصحيحة وبعد الاحتياطات زي إنقاص الوزن، كل ما فرصة رجوعه قلت. وبالنسبة للفتق بعد الولادة، الأبحاث مختلفة في التوقيت (6 شهور، سنة، أو سنة ونص)، ود. زيدان بيفضل الانتظار من سنة لسنة ونص بعد الولادة. | In the second episode of the podcast "With Dr. Mohamed H. Zidan", Dr. Zidan answers something patients often say in clinic: "The hernia will come back anyway, so I'll wait." Using a curtain analogy, he explains that a small hole stitched early is far less likely to tear again than one left to grow, and a hernia is no different: the earlier it is repaired, with the right mesh in the right layer and precautions such as weight loss, the lower the chance it comes back. On hernia after pregnancy, studies differ on timing (6 months, 1 year or 18 months), and Dr. Zidan prefers to wait one to one and a half years after delivery.
أبرز النقاط
النص الكامل
د. زيدان: ده المريض اللي أخد الخطوة بالفعل ودخل العملية. في مقولة بسمعها: طالما كده كده الفتق راجع، فأنا لا هدخل منظار ولا هدخل جراحة. دي حقيقة، ناس كتير جدًا بييجوا العيادة ويقولوا: أصل أنا بقالي 20 سنة عندي الفتق، وقلت أعمله لما يبقى عندي 50 أو 55 سنة، علشان كده كده الفتق هيرد تاني. بس خليني أديك مثال: الستارة دي مثلًا، لو فيها ثقب صغير أو خرم صغير، حلها إيه؟ هنخيطها. خلينا نعمل خرمين في نفس الستارة: خرم أول ما حصل كان صغير خالص وخيطناه في ساعتها، والخرم التاني سيبناه، والناس رايحين جايين، والطفل بيفتح الستارة، وحد بيشد الستارة، وما إلى ذلك. اللي هيحصل إن القطع في الستارة هيزيد، وبعد كده خيطناه. تعال نقارن بقى الخرمين اللي خيطناهم: أنهي واحد فيهم وارد أكتر إنه يرجع أو يرد؟ القطع الكبير اللي اتخيط بعد ما كبر. ده بالضبط اللي بيحصل في الفتق، لأن الفتق قطع زيه زي قطع الستارة؛ ده قطع في جدار البطن. لو هو لسه فتق صغير وخيطناه في ساعتها، نسبة إنه يرد قليلة جدًا، بالذات لو استعملنا الأساليب المظبوطة: شبكة محطوطة في الطبقة الصح، في معاد مناسب، لأننا بنصلح الفتق بعد ما عملنا الاحتياطات اللي بتقلل الارتجاع، زي إننا نحاول إن المريض يخس في الوزن قبل العملية، ونختار الميعاد المناسب للست إنها تعمل العملية بعد الحمل، وما إلى ذلك. كل ده بيقلل نسبة إنه يرد. لكن لو عملنا نفس الاحتياطات دي لعيان أو عيانة عنده فتق كبير، نسبة إنه يرجع هتبقى أكتر بكتير من الفتق التاني. كل ما عملناه بدري، كل ما النتيجة بقت أحسن.
المذيعة: طيب حضرتك قلت دلوقتي إن الست اللي ولدت هنختار الوقت المناسب ليها. يتعمل لها العملية إمتى؟ مش الأحسن إنها تتعمل على طول بعد الولادة؟
د. زيدان: لا، مش أحسن إنها تتعمل على طول بعد الولادة؛ لازم نستنى شوية. هنا في اختلافات كتيرة جدًا في الأبحاث العلمية عن إمتى نعمل العملية بعد الولادة. في دراسات وتوصيات قالت يفضل إننا نستنى على المريضة ست شهور عشان نعمل العملية، وفي توصيات تانية قالت سنة، وتوصيات تانية قالت سنة ونص. ولما بيكون في اختلاف ما بين الآراء العلمية، ومفيش اتفاق على رأي واحد موحد، ده بيسمح للطبيب إنه يختار حسب ممارسته وخبرته. فأنا شخصيًا بفضل إني أستنى على المريضة على الأقل سنة بعد الولادة، وبقول لهم كمان سنة ونص، يعني من سنة لسنة ونص بعد الولادة، وبعدها نقدر نعمل العملية.